ანარკიაშ ჯიხაRr அடி MmகOoPd இர்Nn ூ்
ანარკიაშ ჯიხა — ჯიხაზურგა სამარგალოს, ნოღა ანარკიას (ზუგდიდიშ მუნიციპალიტეტი). ჯიხაზურგა XVIII ოშწანურაშ I ნორთის აკაგეს ოსმალეფქ დო თექ მუნეფიშ მეჯიხეეფი ქენარჷნეს, ასე დოსქილადირი რე აკნაცჷმეფი. გეგმათ კვადრატული ჯიხაშ ირ კუნთხუს ჸორში გედგუდჷ, თინეფშე ოორუე-ბჟადალი ნორთი ვარსებენს, წყარმალუს ქელურჩხუაფუ. ჸორშეფს მაჟირა დო მასუმა სართულშა მინაულარეფი ზოხო-ზოხოთ უღუდჷ ოზეშე. კიდალეფს მონწყილი რდჷ ოთოფეეფი. ოზარაზანე ხვალე ობჟათე-ბჟადალ თინკუნთხური ჸორშიშ გალენურ კიდალას რე ასქილადირი. ჯიხას ელმოლს ომძღჷ ჟირარუსიანი გალუანი, ნამუშ თუდოლენი იარუსი ჸურუ რე, ჟილენს — შუკაშ დონეშა ოთოფეეფი უღუ. მინაულარი ბჟადალშე, წყარმალუშჸურე უღუდჷ. ანარკიაშ ჯიხა რე ტიპური ბჟადალ საქორთუოშო. ჯიხაშ აკმაგე მოხელეეფს, მუჭოთ ჩქჷ, მინუშო კინ თი პერიოდიშ ქართლ-კახური ჯიხეფშე ეუჭოფჷნა.
ლიტერატურა[რედაქტირაფა | წყუშ რედაქტირაფა]
- მ. რეხვიაშვილი, იმერეთის სამეფო 1462-1810, თბ., 1989
- პ. ზაქარაია, საქართველოს ძველი ქალაქები და ციხეები, თბ., 1973
- ბერაძე თ., უშვერიძე გ., ზაქარაია პ., ქორთული სხუნუეფიშ ენციკლოპედია, ტ. 1, ხს. 141, ქართი, 1975 წანა.